Мемлекет басшысы Қасым-Жомарт Тоқаевтың Қазақстанның жаңа Конституциясының күшіне енуіне орай жариялаған үндеуі аясында Батыс Қазақстан облысы активінің отырысы өтті.

Жиында еліміздің қоғамдық-саяси дамуындағы маңызды өзгерістер, жаңа Ата Заңның мән-маңызы және оны іске асыру бағыттары талқыланды.

Отырыс барысында Батыс Қазақстан облысының әкімі Нариман Төреғалиев бірқатар азаматтарға Мемлекет басшысының Алғыс хатын және жаңа Конституцияның арнайы басылымын салтанатты түрде табыс етті.

Осы орайда, Мемлекет басшысының Алғыс хатымен Батыс Қазақстан облыстық мәслихатының төрағасы Мұрат Мұқаев марапатталды. Бұл – үлкен мәртебе әрі жауапкершілік.

Жаңа Конституция – Әділетті Қазақстанды құру жолындағы маңызды қадам.

Қазақстанымыздың дамуы жолындағы игі істер жалғаса берсін!