Батыс Қазақстан облыстық мәслихатының VIII шақырылымының кезектен тыс 20-шы сессиясы өткізілді.

Облыстық мәслихат төрағасы Мұрат Мұқаевтың төрағалығымен Батыс Қазақстан облыстық мәслихатының VIII шақырылымының кезектен тыс 20-шы сессиясы өткізілді.
Сессияға Батыс Қазақстан облысы әкімінің орынбасарлары Тлепберген Каюпов, Қалияр Айтмұхамбетов, Батыс Қазақстан облысы әкімі аппаратының басшысы Ораз Нұрділдә, сондай-ақ, облыстық басқармалардың басшылары қатысты. Күн тәртібінде:
Батыс Қазақстан облыстық мәслихатының 2024 жылғы 13 желтоқсанындағы №16-1 "2025 - 2027 жылдарға арналған облыстық бюджет туралы" шешіміне өзгерістер енгізу туралы;
Батыс Қазақстан облысының су объектілерінде ортақ су пайдаланудың қағидаларын белгілеу туралы;
Батыс Қазақстан облысы бойынша тексеру комиссиясының мүшесін лауазымға тағайындау туралы мәселелері қаралып, дауысқа салынды.
Ұсынылған баяндамалар тыңдалып, облыстық мәслихат депутаттары тарапынан бірауыздан қолдау тапқан болатын.
Отырыс соңында сөз алған облыс әкімінің орынбасары Т.Каюпов облыс дамуына сүбелі үлес қосып жүрген барша азаматтарға ризашылығын білдірді.