Қаженов Марат Жауылыбайұлы, 1971 жылы 19 қазанда Ресейде, Орынбор қаласында жұмысшылар отбасында дүниеге келген. Үйленген, үш бала тәрбиелеп отыр.
Екі жоғары білімі бар. 1993 жылы Санкт-Петербург жоғары зениттік-зымырандық командалық училищесін, 2007 жылы М. Өтемісов атындағы БҚМУ заң факультетін бітірген.
1993-1994 жылдары Қазақстан Республикасы Қарулы Күштері қатарында қызмет етеді. 1995-2007 жылдары БҚО Ішкі істер органдарында жедел қылмыстық іздестіру қызметінен бастайды. 2005 жылы БҚО ІІД экстремизм және терроризмге қарсы күрес бөлімінің бастығы болып тағайындалды. Полиция подполковнигі атағын мерзімінен бұрын алады.
2008 жылдан бастап кәсіпкер. Өңірдегі печенье, вафли және құрғақ таңғы астық өндіретін «KAZKON» кондитерлік фабрикасын басынан бастап негізін қалады. Елдің батыс аймағында құрғақ таңғы асты өндіретін жалғыз кәсіпорын.
Қазіргі уақытта облыс аумағына жоғары сапалы құрылыс материалдарын жеткізумен айналысатын "TARAL" ЖК компаниясының басшысы болып табылады.