Ескендіров Сайран Темірғалиұлы 1988 жылы 26 қарашада Батыс Қазақстан облысында дүниеге келген. Ұлты-қазақ. Білімі-Жоғары, Л.Н. Гумилев атындағы Еуразия ұлттық университетін бітірген. Мамандығы – «Автоматтандыру және басқару».
Әр жылдары сауда компаниясының сауда өкілі, супервайзері, «МясоДел» сауда маркасының директоры, Астана қаласындағы дистрибьюторлық компания филиалының директоры, Ақмола облысы, «Жайық-Ет» ЖШС компаниясының сатып алу бөлімінің директоры, «Жайық-Ет» ЖШС компаниясының басқарушысы, «Qaz foods Trade» ЖШС компаниясының басшысы болып жұмыс істеді.
2020 жылдан бастап «Жайық-Ет» ЖШС компаниясының өндіріс директоры.
7-шақырылған Батыс Қазақстан облыстық мәслихатының депутаты. «Ауыл» партиясының мүшесі.
2021-2022 жылдар кезеңінде «Qaz Foods Trade» ЖШС 73,4 млн. теңгеге жуық салық аударымдарын төледі.
2022 жылы «Qaz Foods Trade» ЖШС 20 жаңа жұмыс орнын құра отырып, ауыл шаруашылығы саласында (дәнді және майлы дақылдар егу) жаңа жобаны іске асыруды бастады.
Депутат демеушілік және қайырымдылық көмек көрсетеді, 2022 жыл ішінде 600,0 мың теңгеге көмек көрсетілді (оның ішінде Қостанай облысындағы өртке байланысты материалдық көмекке - 400,0 мың теңге, қалалық ардагерлер кеңесі қауымдастығын және басқа да мерекелерді құттықтауды ұйымдастыруға материалдық көмекке – 200,0 мың теңге, сондай-ақ, ауыл тұрғындарын (40 отбасы) қолдау бойынша қайырымдылық акциясы бойынша құс шаруашылығын дамытуға 1500 бройлер тауық берілді).