Агаев Анвар Агаяроглы

Агаев Анвар Агаяр Оглы, 1961 жылы 23 желтоқсанда Әзірбайжан Республикасы, Ярдлымлы  облысы, Бозайран ауылында дүниеге келген. Ұлты - әзірбайжан. Білімі жоғары. Орал ауылшаруашылық техникумын,  Баку қаласындағы Әзірбайжан құрылыс институтын бітірген. Мамандығы -инженер-құрылысшы.

1984-1996 жылдары БҚО Бөрлі ауылындағы құрылыс бригадирі, Қарашығанақ газ турбиналық қондырғысының құрылыс бойынша учаске менеджері, 2000-2013 жылдары "Бурлингазстрой" компаниясының вице - президенті, "Ақсайбизнесстрой" ЖШС директоры. "Ақсайбизнестрой" ЖШС қызметкерлерінің орташа саны 100 адам. 2020-2022 жылдар кезеңінде шамамен 300,0 млн. теңге салық аударымдары төленді.

2008 жылы Бөрлі аудандық мәслихатының депутаты, 2021 жылдан бастап 7-ші шақырылымдағы Батыс Қазақстан облыстық мәслихатының депутаты. "AMANAT" партиясының мүшесі. "Бөрлі ауданының Достық Әзірбайжан этномәдени бірлестігі" ҚБ төрағасы. "БҚО Қазақстан халықтары кіші Ассамблеясының" мүшесі. Бөрлі ауданының Құрметті азаматы.

Депутат демеушілік және қайырымдылық көмек көрсетеді, 2022 жылдың ішінде 3,4 млн.теңгеге көмек көрсетілді (оның ішінде жыл сайынғы "Мектепке жол" акциясына қатысу - 719,0 мың теңге, өрт пен су тасқынынан зардап шеккендерге көмек – 2160,0 мың теңге).