Ағымдағы жылдың 26 мамырында аудандық мәслихатының кезектен тыс 31 сессиясы өтті.

Оған аудан әкімінің орынбасары Н.Сарманов, қала, кент және ауылдық округ әкімдері, бөлім башылары мен ақпарат құралдары өкілдері қатысты.

Күн тәртібіндегі мәселе бойынша «2025-2027 жылдарға арналған Құлсары қаласының, Жаңа Қаратон кентінің, Жем, Қосшағыл, Қара-Арна, Майкөмген және Ақкиізтоғай ауылдық округтерінің бюджеттері туралы» Жылыой аудандық мәслихатының 2024 жылғы 25 желтоқсандағы №26-1 шешіміне өзгерістер енгізу туралы аудандық экономика және қаржы бөлімінің басшысы Ж.Дюсупова хабарлама жасады.

Депутаттар аталған мәселеге байланысты ұсыныс-пікірлерін білдіріп, сұрақтарын қойды. Көпір мәселесі, аялдамалар орнату, балалар ойын алаңдарын салу туралы мәселелерін қозғады.  

Күн тәртібіне қойылған мәселе толықтай талқыланып, олар бойынша қаулы қабылданды.