26 маусым күні Шойындыкөл ауылының 65 жылдық мерейтойы

26 маусым күні Шойындыкөл ауылының 65 жылдық мерейтойы және негізгі орта мектептің 40 жылдық мерейтойы салтанатты түрде аталып өтті. Іс-шараға аудандық мәслихат төрағасы А. Әлжанов қатысты.

Мерекелік жиында аудан әкімі Ербол Кәрімұлы құттықтау сөз сөйлеп, сыйлықтар табыстады. Сондай-ақ ауылдың дамуына елеулі үлес қосқан, ел игілігі жолында еңбек еткен азаматтарды марапаттап, алғыс білдірді.

Мерейтой ауыл тұрғындары мен қонақтарына көтеріңкі көңіл-күй сыйлап, ауыл тарихына тағзым жасап, оның болашағына сенім ұялатқан тағылымды шара болды.