Үстіміздегі жылдың 25–26 маусым күндері Астана қаласында «Senat Open» шахмат кубогының финалы өтті.

Қостанай қаласында өткен «Senat Open» кубогының жартылай финалында жоғары нәтиже көрсеткені үшін Ақмола облысының құрамасына аудандық мәслихат депутаты Сәрсенов Бекжігіт Пернехұлұлы енгізілді.

Финалдық кезеңнің қорытындысы бойынша Ақмола облысының құрамасы І жалпыкомандалық орынды иеленді.

Сәрсенов Бекжігіт Пернехұлұлын және команда құрамын жарқын жеңістерімен құттықтаймыз! Алдағы уақытта толағай табыс, жаңа жетістіктер мен биік белестер тілейміз!