Құрметті Жарқайың өңірінің тұрғындары! Ардақты ағайын!

Сіздерді көктемнің шуақты да шырайлы мерекесі – Наурыз мейрамымен шын жүректен құттықтаймын! Наурыз – жаңғыру мен түлеген тіршіліктің, ізгілік пен мейірімнің, татулық пен сүйіспеншіліктің мерекесі.

Бұл мереке халқымыз үшін әрдайым бірлік пен берекенің, ынтымақ пен ырыстың символы болып келген. Наурыз – өткенге тағзым жасап, болашаққа сеніммен қарайтын ерекше кезең. Көктеммен бірге келетін жаңару лебі адамдардың жүрегіне үміт ұялатып, жақсылыққа деген сенімді арттырып, жарқын болашаққа жетелейді.

Ұлыстың ұлы күні әр шаңыраққа құт-береке дарытып, ел ішіндегі бейбітшілік пен келісімді одан әрі нығайта берсін.

Қадірлі жарқайыңдықтар! Сіздерді тағы да Наурыз мейрамымен құттықтай отырып, Отанымызға тыныштық пен өркендеу, халқымызға бақ-береке тілеймін. Әр отбасына зор денсаулық, шаттық пен молшылық, татулық пен ынтымақ серік болсын. Көктемнің нұрлы мерекесі әр үйге қуаныш пен құт әкелсін!

 

Жарқайың аудандық

 мәслихаттың төрағасы                       А. Әлжанов