Халықаралық әйелдер күніне орай Жарқайың ауданының әкімі Ербол Жүсіпбеков бірқатар мекемелерді аралап, әйелдерді мерекемен құттықтады.

Ең алдымен аудан әкімі «Лучи добра» қоғамдық қорының қамқорлығындағы әжелердің хал-жағдайын сұрап барды. Ол ардақты әжелерге жылы лебізін білдіріп, гүл шоқтарын, жеміс себеттері мен сыйлықтар табыстады.

Сондай-ақ аудан әкімі аудандық ауруханаға барып, мереке күні де тұрғындардың денсаулығына қамқорлық жасап жүрген дәрігерлер мен мейірбикелерді құттықтады. Медицина қызметкерлеріне гүл шоқтары, жеміс себеттері және естелік сыйлықтар берілді.

Іс-шараға Жарқайың аудандық мәслихатының депутаты Гүлжихан Смағұлова да қатысып, әйелдер қауымына олардың еңбегі, қамқорлығы және өз ісіне деген адалдығы үшін алғысын білдірді.

Мерекелік көңіл күйді аудандық мәдениет үйінің өнерпаздары дайындаған музыкалық нөмірлер толықтырды.

Іс-шара соңында Ербол Жүсіпбеков әйелдерге еңбегі, мейірімділігі және ауданның дамуына қосқан үлесі үшін алғыс айтып, оларға зор денсаулық, бақыт пен амандық тіледі.