Аудандық мәслихаттың төрағасы А. Әлжанов аппарат ұжымымен Конституция жобасын түсіндіру жұмыстарын жүргізді

Аудандық мәслихаттың төрағасы А. Әлжанов аудандық мәслихат аппаратының ұжымымен кездесу өткізіп, Конституция жобасына енгізілетін негізгі өзгерістер мен толықтырулар бойынша ақпараттық-түсіндіру жұмыстарын жүргізді. Кездесу барысында Конституция жобасының негізгі бағыттары, оның қоғамдық-саяси маңызы, сондай-ақ азаматтардың құқықтары мен міндеттеріне қатысты жаңашылдықтар жан-жақты түсіндірілді. Сонымен қатар, аппарат ұжымы тарапынан қойылған сұрақтарға жауаптар беріліп, ұсыныс-пікірлер тыңдалды. Мұндай кездесулер мемлекеттік қызметшілердің құқықтық мәдениетін арттыруға және маңызды мемлекеттік бастамаларды кеңінен түсіндіруге бағытталған.