Қазақстан Республикасы Парламенті Мәжілісінің депутаты Анас Ахатұлы Баққожаев жұмыс сапарымен Жарқайың ауданына келді.

Жарқайың ауданы әкімдігінің мәжіліс залында аудан активімен, ауыл шаруашылығы тауарын өндірушілермен және кәсіпкерлермен кездесу өтті. Кездесуге Жарқайың аудандық мәслихатының төрағасы А. Әлжанов пен «Ауыл» партиясынан аудандық мәслихаттың депутаты Е. Рыжков қатысты.

Кездесу барысында инвестициялық жобаларды іске асырудың өзекті мәселелері, сондай-ақ жер қатынастары саласындағы мәселелер талқыланды.

Іс-шара аясында зейнеткер, Нахимовка ауылдық округінің тұрғыны, «Ауыл» партиясының өкілі Жүсіпбеков Еркін Малғаждарұлы «Ауыл» партиясының 25 жылдық мерейтойлық медалімен марапатталды.

Сондай-ақ жұмыс сапары аясында Мәжіліс депутаты Бірсуат ауылындағы 100 орындық жаңа мектепте болды.