Жарқайың ауданында дәстүрлі тамыз педагогикалық конференциясы өтті.

Конференция жұмысына аудан әкімі Е. Жүсіпбеков,аудандық мәслихаттың төрағасы А.Әлжанов, Ақмола облысы білім басқармасының «Ақмола аймақтық білім берудегі жаңа технологиялар орталығы» КММ директоры Б. Қадыров, аудан әкімінің орынбасары, аудандық полиция бөлімінің бастығы, сондай-ақ мектеп директорлары, ұстаздар мен білім саласының ардагерлері қатысты.

Форумда жаңа оқу жылының негізгі басымдықтары, білім сапасын арттыру, педагогтердің кәсіби өсуі және оқушыларға қолайлы әрі қауіпсіз орта қалыптастыру мәселелері қаралды.

Адал еңбегі, кәсіби біліктілігі және жас ұрпақ тәрбиесіне қосқан зор үлесі үшін бірқатар педагогтар мен ардагер ұстаздарға ауданның 70 жылдық мерейтойлық медалі және құнды сыйлықтар табысталды.

Сонымен қатар, бірқатар ұстаздар Қазақстандық оқу-ағарту, ғылым және жоғары білім қызметкерлерінің салалық кәсіподағының Құрмет грамоталары мен Алғыс хаттарына ие болды.