Жаңасемей ауданының Қоғамдық кеңес құрамы жаңартылды

Абай облысы Жаңасемей ауданында Қоғамдық кеңес мүшелерін іріктеу бойынша қосымша конкурс аяқталды. Конкурс нәтижесінде бос орындарға қоғамның бес жаңа өкілі сайланды.

Қазақстан Республикасының заңнамасына сәйкес шығып кеткен мүшелердің орнына іріктеу жүргізілді. Мәслихат төрағасының өкімімен консультативтік-кеңесші органның құрамына ветеринария, ауыл шаруашылығы, білім беру салаларының мамандары мен ардагерлер ұйымдарының өкілдері енді.

Жаңартылған тізімге келесі азаматтар енді:

• Адылханов Нурлан Кадылбекович — мал дәрігері;

• Канапин Бакытжан Рысбекович — «Сайран» шаруа қожалығының басшысы;

• Мештбаев Нурала Шаймерденович — көлік саласының өкілі;

• Нуржауова Гүлжанат Какимжановна — Шүлбі жалпы орта білім беретін мектебінің директоры;

• Смағұлова Күлбану Сағатқызы — зейнеткер (ардагерлер кеңесінің өкілі).

Қоғамдық кеңес өз қызметін толық құрамда жалғастыруда. Органның басты міндеттері — азаматтардың мүдделерін қорғау, қоғамдық маңызы бар мәселелерді талқылау және ауданымыздағы мемлекеттік бағдарламалардың жүзеге асырылуын бақылау болып қала береді.

Қоғамдық кеңес мүшелерінің толық тізімімен және 2026 жылғы 11 наурыздағы № 10 өкімнің мәтінімен сайтымыздың тиісті бөлімінде танысуға болады.