Жаңасемей ауданында Конституциялық реформалар мен алдағы референдум талқыланды

Жаңасемей ауданы коалициясының мүшелері — Т.К. Казанбекова, М.Қ. Жақыпбекова, Қ.С. Тұрысбеков және М.А. Ережепов өңірдегі бірқатар елді мекендерді аралап, тұрғындармен маңызды кездесулер өткізді. Кездесулердің басты тақырыбы — ҚР Конституциясына енгізілетін өзгерістер мен алдағы референдумды түсіндіру.

Түсіндіру жұмыстарының бағыттары:

• Білім мен мәдениет ошақтары: Қайнар ауылындағы Мәдениет үйі, орталық кітапхана және С.Бегалин атындағы орта мектеп ұжымдарымен өткен жүздесулерде саяси реформалардың ел болашағы үшін маңыздылығы сөз болды. Коалиция мүшелері Ата Заңға енгізілетін түзетулердің әрбір азаматтың құқығын қорғауға бағытталғанын атап өтті.
• Спорт және медицина саласы: Қайнар ауылындағы ДШСК (ФОК) спортшыларымен және Абралы ауруханасының медицина қызметкерлерімен кездесуде референдумның ашықтығы мен әділдігі туралы ақпарат берілді.
• Тұрғындармен тікелей диалог: Алғабас ауылының тұрғындарымен және Б.Быхин атындағы мектеп ұжымымен болған кездесуде мемлекеттік басқару жүйесін демократияландыру мәселелері талқыланды.

«Референдум — бұл халықтың өз таңдауын жасап, елдің саяси бағытын айқындауға тікелей қатысу мүмкіндігі», — деп атап өтті коалиция мүшелері.