Жаңа Конституция – ел болашағының негізі

2026 жылдың 17 ақпанында Жаңасемей ауданы коалициясының мүшелері Қаштақ орманшылығы, Талица негізгі мектебінің ұжымымен кездесулер өткізді. Басты тақырып — 15 наурызға жоспарланған республикалық референдум.

Кездесулер барысында азаматтарға Конституцияға енгізілетін өзгерістер бойынша түсіндірмелер берілді.

Жаңа жобаның негізгі бағыттары:

• Мемлекеттік басқару: Вице-президент лауазымын енгізу және билік тармақтары арасындағы теңгерімді нығайту.
• Әлеуметтік кепілдіктер: Еңбек құқықтарын қорғауды күшейту және тұрғын үй қолжетімділігін қамтамасыз ету.
• Адам құқықтары: Азаматтардың бостандықтарын қорғау тетіктерін кеңейту және сот жүйесінің рөлін арттыру.

Коалиция мүшелері бұл өзгерістер «Мемлекет адам үшін» қағидатын нығайтуға бағытталғанын атап өтті.

15 наурыз күні өз таңдауыңызды жасаңыз! «Сіздің таңдауыңыз — еліміздің болашақ бағыты!».