Ұлы Жеңіс күні құтты болсын!

Құрметті жерлестер!

Сіздерді 9 Мамыр – Ұлы Жеңіс күнімен шын жүректен құттықтаймыз!

Бұл – халқымыздың ерлігі мен батырлығын, Отанға деген шексіз сүйіспеншілігін айғақтайтын қастерлі мереке. Екінші дүниежүзілік соғыстың от-жалыннан аман өткен ардагерлеріміздің, тыл еңбеккерлерінің алдында бас иеміз. Олардың ерлігі – мәңгі ұмытылмас үлгі, ал батырлық дәстүрі – ұрпақтан-ұрпаққа жалғасатын рухани мұра.

Бүгінгі бейбіт өмір – сол қаһарман аталарымыз бен әжелеріміздің жанқиярлық ерлігінің жемісі. Сондықтан Жеңіс күнін әрдайым құрметтеп, ардагерлерімізге ерекше қамқорлық көрсету – баршамыздың азаматтық борышымыз.

Баршаңызға зор денсаулық, отбасыларыңызға амандық, елімізге тыныштық пен береке тілейміз!