Жамбыл ауданында Қарттар күні аталып өтті

Бүгін аудандық Мәдениет үйінде Қарттар күніне арналған жылы да жарқын мереке өтті. Жамбыл ауданының еңбек ардагерлері мен жұмысшы мамандықтарының өкілдері осы күннің басты қонақтары болды.

Бұл мереке – аға буынға еңбегі, өмірлік даналығы мен дәстүрге адалдығы үшін алғыс білдірудің ерекше мүмкіндігі.

Аудан әкімі Асқар Бектасов ауылдық округтердің ардагерлер кеңестерінің белсенді өкілдеріне Құрмет грамоталарын табыстады. Олар – бүкіл Жамбыл ауданы мақтан тұтатын азаматтар!

Аудандық Мәдениет үйінің қызметкерлері мерекелік концерт ұйымдастырып, әуезді әндер мен көңілді билер арқылы қонақтарға көтеріңкі көңіл-күй мен қуаныш сыйлады.

Құрметті ардагерлер! Сіздердің аудан үшін жасаған еңбектеріңізге үлкен алғыс білдіреміз. Дендеріңізге саулық, амандық, баянды бақыт тілейміз!