АУДАНДЫҚ МӘСЛИХАТТЫҢ ТҰРАҚТЫ КОМИССИЯ ОТЫРЫСЫ ӨТТІ
АУДАНДЫҚ МӘСЛИХАТТЫҢ ТҰРАҚТЫ КОМИССИЯ ОТЫРЫСЫ ӨТТІ
2025 жылдың 27 тамызында аудандық мәслихаттың тұрақты комиссияларының бірлескен отырысында жұмыс жоспарларына сәйкес бірқатар өзекті мәселелер қаралды.
Комиссия отырысына аудандық мәслихат депутаттары, аудан әкімінің орынбасары Ә.Байнахатов, тиісті мекеме басшылары, Жалағаш кенті мен Еңбек ауылдық округ әкімдері қатысты. Отырысты аудандық мәслихаттың төрағасы Ө.Елеусінов жүргізіп отырды.
Жалағаш ауданы бойынша мемлекеттік жастар саясатының іске асырылу барысы туралы аудандық қоғамдық даму бөлімінің басшысы Ж.Еспенбет баяндады.
Ауданда 14 пен 35 жас аралығында 10 816 жас тіркелген, оның ішінде 5885 - ер азаматтар, 4931 - әйел. Жалағаш ауданындағы мемлекеттік жастар саясатын қаржыландыруға жергілікті бюджеттен 24 135,0 млн.теңге оның ішінде жастарды дамыту мен қолдауға мемлекеттік әлеуметтік тапсырыс шеңберінде 4 жобаны жүзеге асыруға жергілікті бюджеттен 10 671,0 млн.теңге қаржы бөлініп, жоба жеңімпаздарымен келісім шарт жасалып, тиісті жұмыстар жүргізілуде. 2025 жылдың 6 айы бойынша 95 шара өткізіліп, оған 3500-ден аса жас қатыстырылған.
Жалағаш ауданы бойынша NEET санатындағы және маргинал жастарды әлеуметтендіру бойынша кешенді шаралар іске асыру үшін ұсынылған бөлініске сәйкес 508 жас тізімін талдау жұмыстары жүргізілген, олардың 345-нің тұрғылықты мекен-жайы мен жұмыс орны анықталған.
«Жасыл ел» еңбек жасағының 2025 жылғы еңбек маусымына 16-35 жас аралығындағы жастарды жұмысқа қабылданып, жұмыс жұмыс жасауда.
Жалағаш аудандық жастар ресурстық орталығы, қоғамдық бірлестіктер және ауданға қарасты бірқатар мекемелермен бірлесіп, түрлі спорттық, мәдени, тренингтік шаралар мен психологиялық кеңес, семинарлар тұрақты түрде ұйымдастырылып келеді.
Мәслихат депутаттары Ө.Елеусінов, С.Жанашев, Г.Курманбаева, Қ.Ахетов, Г.Айтжанова NEET санатындағы жастар, олардың жұмыспен қамтылуы, жастардың шараларға қатысуы туралы сұрақтарын беріп, лудоманияға қатысты және ғылымға бағытталған шараларды ұйымдастыру туралы ұсыныстарын білдірді.
Аудандық индустриалды-аграрлық колледжі бойынша атқарылып жатқан жұмыстар мен алда тұрған міндеттері туралы колледж директорының тәрбие ісі жөніндегі орынбасары З.Диуанова баяндады.
Жалағаш индустриалды-аграрлық колледжінің сыйымдылығы 420 орын, 10 мамандық 23 біліктілік бойынша оқытуға лицензиясы бар. Колледжде барлығы 23 кабинеттер мен шеберханалар бар, оның ішінде жалпы білім беретін кабинеттер саны- 10, арнаулы пәндер кабинеттері- 8, зертхана мен шеберханалар- 5.
2024-2025 оқу жылында колледж бойынша барлығы 218 студент білім алды, оның 73-і оқуын бітіріп шықты, ІІ курста -64 студент, ІІІ курста 70 студент бар. 2025-2026 оқу жылына мемлекеттік тапсырыс бойынша І-курсқа 180 студент қабылдау жоспарланып отыр.
Колледж білім алушыларына оқу үлгерім көрсеткіштеріне сәйкес 56 646 теңге стипендия тағайындалады (өте жақсы нәтижелері үшін 15%, көзі нашар көруіне және құлағы кеміс мүгедектігіне байланысты 75%, жетім балаларға 30%-ға ұлғайтылып төленеді), тұлдыр жетім, асыраушысынан айрылған студенттерге киім-кешек, аяқ киім сатып алу бойынша жылына бір рет төлем жүргізіледі. Колледжде білім алушыларға асхана қарастырылмаған. Ыстық тамақ қаржысы студенттің жеке есеп шоттарына аударылады.
2021 жылы «Жас маман» жобасы аясында 439 млн. теңгеге екі біліктілік бойынша заманауи құрал- жабдықтармен материалдық-техникалық база толықтырылған, яғни 3W07161603 – «Ауылшаруашылығы өндірісінің тракторист-машинисі» және 3W10130302 – «Аспазшы» біліктіліктері бойынша екі құзыреттілік орталықтары ашылды. Техникаларды сақтау ережесіне сай арнайы ангар салынған.
2017 жылы Жалағаш индустриалды-аграрлық колледжі теңгеріміне берілген аудандық өнер мектебінің ғимаратына ағымдағы жөндеу жұмыстары жасалып, 50 орындық жатақхана болып бейімделген. Қазіргі күні жатақханада 20 студент орналасқан.
Мәслихат депутаттары Ө.Елеусінов, Г.Курманбаева, С.Жанашев, Қ.Ахетов оқуға қабылданған жастармен өткізілген шаралар туралы, қазіргі нарыққа қажетті мамандықтарға оқыту мүмкіндіктері, 2-10 айлық курстарды оқуға қойылатын жас ерекшеліктері, ақылы қызмет қаржысы туралы, мекеменің бу қазандығын газ жүйесіне қосу туралы сұрақтарын қойып, жауаптарын алды.
Бұдан кейін аудандық мәслихаттың кезекті сессиясында қаралатын 2 мәселе: Жалағаш кенті әкімі мен Еңбек ауылдық округі әкімінің өздеріне жүктелген функциялары мен міндеттерінің орындалуы туралы есептері алдын-ала тыңдалып, талқыланды.
Мәслихат депутаттары Ө.Елеусінов, С.Жанашев, Г.Курманбаева, Г.Айтжанова кент әкімі М.Жамалатов пен Еңбек ауылдық округінің әкімі Б.Балхановтың берген есептеріне байланысты сұрақтарын қойып, тиісті жауаптарын алды. Аудан әкімінің орынбасары Әліби Қодарұлы көшелердің жөнделуіне және басқа да құрылыстардың қаржыларына байланысты депутаттар тарапынан берілген сұрақтарға жауап берді.
Комиссия отырысын Ө.Елеусінов қорытындылап, бүгінгі отырыста қаралған мәселелердің депутаттардың бақылауында болатындығын жеткізді.