Қазақстан Республикасы Парламенті Сенатының депутаты Ернұр Айткенов Успен ауданына жұмыс сапарымен келді

Қазақстан Республикасы Парламенті Сенатының депутаты Ернұр Әйткенов Успен ауданына жұмыс сапары барысында бірқатар әлеуметтік маңызды және өндірістік нысандардың тыныс-тіршілігімен танысты. Сапар бағдарламасы жаңа дене шынықтыру-сауықтыру кешенін, Успен ауылындағы «Хлебко» наубайханасын, сондай-ақ Қозыкеткен ауылдық округінің жетекші агроқұрылымдары — «БИК» және «Штрек Н.П.» шаруа қожалықтарын қамтыды.

Ернұр Нұрмұханұлы агроөнеркәсіптік кешенге инновацияларды енгізу мәселесіне ерекше назар аударды. Мәселен, «Штрек Н.П.» ШҚ аудандағы техникалық жаңғыртудың көшбасшысына айналды: мұнда бірінші болып парк жұмысын ауқымды жаңартуды бастап, жоғары өнімді CLAAS комбайндары мен JOHN DEERE егіс кешендерін сатып алды, сондай-ақ дымқыл ресурстарды сақтаудың озық технологиясын енгізді.

«БИК» ШҚ-да 500 басқа арналған сүт-тауарлы фермасының құрылыс барысын бақылады. Жоба автоматтандыру деңгейімен аудан үшін бірегей болып табылады — мұнда өндірістік процестер толығымен роботтандырылатын болады. Бүгінгі таңда нысанда құрылыс жұмыстары қарқынды жүріп жатыр. Шаруашылық мал шаруашылығымен қатар, егін шаруашылығында да жоғары көрсеткіштерге қол жеткізіп отырған аудандағы ең тұрақты әрі әртараптандырылған кәсіпорындардың бірі болып табылады.

Кіші бизнесті қолдау шаралары «Хлебко» наубайханасының мысалында көрсетілді. Кәсіпорын кәсіпкерлікті ынталандыруға және ауыл тұрғындарының өмір сүру сапасын арттыруға бағытталған «Ауыл аманаты» мемлекеттік бағдарламасының сәтті қатысушысы болып табылады.

Ауыл шаруашылығы тауар өндірушілерімен және мекеме ұжымдарымен кездесулер аясында әлеуметтік инфрақұрылым мен аграрлық секторды дамыту мәселелері егжей-тегжейлі қаралды. Қатысушылар ауылдардың өзекті мәселелерін талқылап, ауданның алдағы даму бағыттарын айқындады.

Сапар соңында Ернұр Әйткенов кәсіпкерлерге белсенді азаматтық ұстанымдары, аудан экономикасын нығайтуға қосқан үлестері және тұрақты жұмыс орындарын құрғаны үшін алғыс білдіріп, алдағы жоспарларының сәтті іске асуына тілектестігін жеткізді.