Қазақстан Республикасының Конституция күнімен шын жүректен құттықтаймын!

Құрметті жерлестер!

Сіздерді Қазақстан Республикасының Конституция күнімен шын жүректен құттықтаймын!

Ата Заңымыз – тәуелсіз еліміздің тұтастығы мен тұрақтылығының, азаматтарымыздың құқықтары мен бостандықтарының кепілі. Конституциямыздың талаптарын бұлжытпай орындау – әрқайсымыздың қасиетті борышымыз.
Ұлытаудың асқақ рухы мен бабалар аманаты бізге елдік мүддені бәрінен биік қоюды үйретеді. Сондықтан біз бірлігімізді сақтап, туған өлкеміздің дамуына үлес қоса отырып, Қазақстанымыздың жарқын болашағын бірге қалыптастырамыз.
Осы айтулы мереке күні Сіздерге зор денсаулық, отбасыларыңызға амандық, еңбектеріңізге табыс тілеймін. Отанымыздың дамуы мен гүлденуіне қосар үлестеріңіз арта берсін!

Ізгі ниетпен,
Ұлытау облыстық
мәслихатының төрағасы Б.Қ. Шыңғысов