Көптоғай ауылындағы мәселелер – депутаттар назарында
Аудандық мәслихат төрағасы Сәкен Займолдин және аудандық мәслихат депутаты Тилекбай Амиров Көптоғай ауылына барып, бірқатар әлеуметтік нысандардың қазіргі жұмыс барысымен танысты.
Сапар барысында ауылдың санитарлық тазалығы, абаттандырылуы және көркейтілу деңгейі назарға алынып, аталған бағыттар бойынша депутаттық бақылау жүргізілді.
Сонымен қатар, “Шеркеш” шаруа қожалығының қысқы мал азығын дайындау жүмыстарымен танысты.
Әлеуметтік нысандардың жай-күйі мен ауылдың тазалығына қатысты бірқатар мәселелер талқыланып, оларды шешу бойынша ұсыныс-пікірлер айтылды және тиісті жұмыстарды жүйелі түрде бақылауда ұстау қажеттігі атап өтілді.