Бүгін Сайрам аудандық Қоғамдық кеңесінің кезекті отырысы өтті.

Жиын Қоғамдық кеңес төрағасы Құрманбеков Ақылбек төрағалығымен өтіп, оған аудан әкімінің орынбасары С.Дүйсебаев қатысты.

Күн тәртібінде бірқатар маңызды мәселелер қаралды:

🔹 Жібек жолы ауылдық округі әкімінің Қазақстан Республикасының «Сыбайлас жемқорлыққа қарсы іс-қимыл туралы» Заңы мен мемлекеттік қызметшілердің Әдеп кодексінің орындалуы және сақталуы бойынша есебі тыңдалды.

🔹 Сайрам аудандық білім бөлімінің 2026 жылғы мектеп оқушыларының жазғы демалысын ұйымдастыру барысындағы жоспарлары талқыланды.

🔹 Сайрам аудандық халыққа қызмет көрсету бөлімінің 2025 жылы атқарған жұмыстары мен алдағы кезеңге арналған жоспарлары сараланды.

🔹 «Сайрам Тазалық» ЖШС-нің 2025 жылғы атқарған жұмыстары және алдағы жоспарлары бойынша есеп берілді.

Жиын барысында кеңес мүшелері тарапынан ұсыныстар айтылып, көтерілген мәселелер бойынша тиісті пікір алмасулар жүргізілді.