ҚОҒАМДЫҚ КЕҢЕС ОТЫРЫСЫ БОЛЫП ӨТТІ

Түркістан қаласы әкімдігінің мәжіліс залында Қоғамдық кеңестің отырысы өтті.

 

Күн тәртібінде қала тұрғындары үшін маңызды бірқатар мәселелер қаралды. Атап айтқанда:

1.Қоғамдық орындарға бейнебақылау камераларын орнату қағидалары;

2.Ұлттық қолөнер шеберлерін қолдау және туристерді тасымалдау қызметтерінің тәртібі;

3.Қаланың сәулеттік келбеті мен дизайн-коды;

4.Стационарлық емес сауда объектілерін орналастыру мен демонтаждау тәртібі;

5.Көлік инфрақұрылымын басқару қағидалары;

6.Қоғамдық кеңес ұсынымдарының орындалуы;

7.Әлеуметтік көмек көрсету қағидалары мен мөлшерлері.

 

Отырысқа Қоғамдық кеңес мүшелерімен қатар қала әкімінің орынбасары М.Қырықбаев, сондай-ақ қала әкімдігінің дербес бөлім басшылары мен серіктес ұйымдардың өкілдері қатысты.

 

Мұндай кездесулер Түркістан қаласының әлеуметтік-экономикалық дамуына және ашық басқару қағидаттарының нығаюына оң ықпал етеді.