ТҮРКІСТАН ҚАЛАЛЫҚ ҚОҒАМДЫҚ КЕҢЕСІНІҢ КЕЕКТЕН ТЫС ОТЫРЫСЫ ӨТТІ

ТҮРКІСТАН ҚАЛАЛЫҚ ҚОҒАМДЫҚ КЕҢЕСІНІҢ КЕЕКТЕН ТЫС ОТЫРЫСЫ ӨТТІ
Түркістан қалалық қоғамдық кеңесінің кезектен тыс отырысы өтті
 
📌Түркістан қалалық қоғамдық кеңесінің әлеуметтік жобаларды іске асыру мен бақылау және денсаулық сақтау саласы бойынша комиссия мүшелері, сондай-ақ Түркістан облыстық қоғамдық кеңесінің мүшесі Еркінбай Керімбайұлының қатысуымен кезектен тыс ұйымдастырылған жиын өтті. Жиынды Түркістан қалалық қоғамдық кеңесінің төрағасы Арыстанов Сүлеймен Тұрсымбайұлы ашып, күн тәртібіндегі мәселелерді таныстырды.
1️⃣Түркістан қаласында азаматтардың мүгедектік алу процесінде кездесетін қиындықтар. Бұл бағытта ВТЭК комиссиясына жолданатын құжаттар, медициналық тексерулер, ұсынымдардың толық болмауы, қайталама тексерулер қажеттілігі сияқты мәселелер көтерілді.
2️⃣ ҚР Еңбек және халықты әлеуметтік қорғау министрлігінің Түркістан қаласы бойынша әлеуметтік-медициналық сараптама бөлімінің ұсынған ақпараттары тыңдалды.
Бөлім басшысы Берік Искаков Тасмағанбетович қаладағы мүгедектігі бар азаматтардың саны, қайта куәландыру көрсеткіштері, мемлекеттік қызметтердің орындалуы бойынша деректерді баяндады.
— 2025 жылдың 1 қарашасында Түркістан қаласы бойынша 11 850 мүгедектігі бар адам тіркелген;
— Оның 14%-ы – балалар, 86%-ы – ересектер;
— 2025 жылдың 10 айында 3 325 мемлекеттік қызмет көрсетілген;
— Сонымен қатар, 2 622 адам қайта куәландырудан өтіп, 1 959 азаматтың мүгедектік тобы расталған.
✅Жиын соңында қала тұрғындарынан келіп түскен өтініштер мен шағымдарға байланысты мүгедектік алу кезінде туындайтын кедергілер жан-жақты талқыланды. Кеңес төрағасы көтерілген мәселелер бойынша нақты тапсырмалар беріп, жауапты мекемелерге ұсыныстар жолданатынын атап өтті.