ТҮЙІТКІЛДІ МӘСЕЛЕЛЕР КЕЗЕҢ- КЕЗЕҢІМЕН ШЕШІМІН ТАБАДЫ

 Бекзат тұрғындар алқабы жұмыс жүргізу секторында Түркістан қалалық мәслихат депутаттарының тұрғындармен кездесуі өтті.

 Іс-шараға Түркістан қалалық мәслихатының төрағасы Ғаппар Сарсенбаев, мәслихат депутаттары Жандос Арыстанов пен Жанбота Тағайбаев, сондай-ақ қала әкімінің орынбасары Талғат Төлегенов қатысты.

 Қала тұрғындарының өтініштері мен ұсыныстары тыңдалып, көтерілген мәселелердің басым бөлігі әлеуметтік көмек, жарық көзінің әлсіздігі, ауыз су жүйесін жүргізу және өзге де әлеуметтік сипаттағы түйіткілдерді қамтыды.

 Тұрғындардың ұсыныстары мен пікірлері назарға алынып, тиісті сала мамандарына нақты тапсырмалар жүктелді. Мәселелер кезең-кезеңімен шешілетін болады.