Бүгін аудандық мәслихаттың бюджет, аумақты экономикалық-әлеуметтік дамыту жөніндегі тұрақты комиссиясы бірқатар мәселелер бойынша зерделеу жұмыстарын бастады.

Жиынды тұрақты комиссия төрағасы Т.Манкеев ашып, жүргізіп отырды.

Күн тәртібінде келесі мәселелер қаралады:

Ішкі саясат бөлімінің мемлекеттік ақпараттық саясат жүргізу жөніндегі қызметтері туралы.

Ауданның коммуналдық меншігіндегі тұрғын үй қорынан үйлерді жалға беруден түсетін кірістердің орындалуы туралы.

Төлеби ауданы бойынша 18-27 жас аралығындағы азаматтарды мерзімді әскери қызметке шақыру барысы туралы.

Қаралып отырған мәселелерге қатысты комиссия мүшелері тарапынан сұрақтар қойылып, бірқатар ұсыныстар мен пікірлер айтылды.

Зерделеу қорытындысы бойынша:

Бірінші және екінші мәселелер алдағы өтетін аудандық мәслихаттың тұрақты комиссиялардың бірлескен мәжілісінде, ал, үшінші мәселе сессиясының күн тәртібінде қаралатын болады.

 

Төлеби ауданы мәслихатының баспасөз қызметі