Төлеби ауданында Наурыз мерекесі ерекше сән-салтанатымен аталып өтті.

Аудан орталығында өткен «Наурыз - көктем, жыл басы» атты мерекелік шарада этномәдени бірлестіктер қатысып, концерттік бағдарламалар мен ұлттық қолөнер көрмелері көпшілік назарына ұсынылды. Өнерпаздар әсем ән шырқап, би билеп, жиналған жұртқа мерекелік көңіл-күй сыйлады.

Шараға аудан депутаттары, басшылар және мекеме жетекшілері қатысып, елмен бірге Ұлыстың ұлы күнін қарсы алды. Сонымен қатар, ұлттық спорт түрлерінен сайыстар ұйымдастырылып, балаларға арналған түрлі ойын-сауық бағдарламалар өтті. Қонақтар ұлттық тағамдардан дәм татып, мерекенің шырайын аша түсті.

Аудан әкімі Еркеғали Әлімқұлов және аудандық мәслихат төрағасы Нұрлан Қойбағаров тұсаукесер рәсіміне қатысып, көпшілікпен бірге мерекелік қуанышқа ортақтасты.

 

Төлеби аудандық мәслихатының баспасөз қызметі