Мемлекеттік заңдылық, азаматтардың еркі мен құқығын қорғау, депутаттық өкілеттілік және депутаттың этикасы мәселелері жөніндегі тұрақты комиссиясының жұмыс жоспарына сәйкес кезекті мәжіліс өтіп, комиссия төрағасы Бердіғали Өмірәлі жүргізді.

Күн тәртібінде №7 медициналық-әлеуметтік сараптама бөлімінің 2023–2024 жылдар аралығында мүмкіндігі шектеулі азаматтарға көрсеткен мемлекеттік қызметтерінің сапасы қаралды.

Жиынға №7 медициналық-әлеуметтік сараптама бөлімінің басшысы Марат Нысанбаев қатысып, көрсетілетін қызметтер бойынша жан-жақты ақпарат ұсынып, мәслихат депутаттарының сауалдарына жауап берді.

Талқылау барысында қызмет көрсету сапасын арттыру, процестің ашықтығы мен тиімділігін қамтамасыз ету, азаматтардың құқықтарын қорғау бағытында өзекті мәселелер көтерілді.

 

Төлеби аудандық мәслихатының баспасөз қызметі