Әулиеата ауданы әкімінің тұрғындармен кездесуіне қалалық мәслихат төрағасы қатысты

Бүгін қаламыздағы Әулиеата ауданының әкімі Б.Төрехановтың №1 аумақтық округ тұрғындарымен өткен кездесуіне қалалық мәслихат төрағасы К.Олжабай қатысты. Жиынға қала әкімдігінің мекеме және бөлім басшылары, қалалық мәслихат депутаттары қатысты.

Алдымен, округтің бас инспекторы Н.Телеуов аумақтағы атқарылған ауқымды жұмыстарды баяндап, алдағы уақытта жүзеге асырылатын жоспарлар туралы бөлісті.

Аудан тұрғындарының басым бөлігі асфальт және жаяу жүргіншілер жолағын салу, жатақханаға күрделі жөндеу жүргізу, аялдама соғу, қаңғыбас иттер мәселесі сынды т.б. өздерін толғандырған мәселелерін жеткізді.

Сондай-ақ, төраға тұрғындарға сұрақтар мен ұсыныстардың кезең-кезеңімен шешімін табатындығын жеткізіп, аудан әкімдігі ғана емес, көтерілген мәселелерді бөлім және мекеме басшыларының да бақылауға алу керектігін атап өтті.