Талдықорған қалалық мәслихатының №8 сайлау округінен сайланған депутаты Ақжаркенова Роза Хаджи-Ахметқызы өз округінде абаттандыру мен көгалдандыруға бөлінген қаражат есебінен жүргізіліп жатқан жұмыстардың барысымен танысты

Талдықорған қалалық мәслихатының №8 сайлау округінен сайланған депутаты Ақжаркенова Роза Хаджи-Ахметқызы өз округінде абаттандыру мен көгалдандыруға бөлінген қаражат есебінен жүргізіліп жатқан жұмыстардың барысымен танысты.

Аралау барысында Қаратал шағынауданының №44 және №45 үйлерінің аулаларына барылды. Бұл аумақта аулаларды абаттандыру және балалар ойын алаңдарын орнату жұмыстары жүргізілуде. Мердігер ұйымның мәліметінше, бұл жұмыстарды ағымдағы жылдың мамыр айының соңына дейін аяқтау жоспарланған.

Сондай-ақ, тұрғын үйлерге жақын орналасқан газгольдерлерге назар аударылды. Олар тұрғындар үшін ықтимал қауіп көзі болып табылады.

Аралау кезінде бұған дейін отырғызылған көшеттердің бір бөлігі биылғы жылы жерсінбей қалғаны анықталды.