Степногорск қаласында құрылыс қоқыстарын жинау, шығару, қайта өңдеу және кәдеге жарату (жою) мәселелерін талқылау бойынша отырыс

Кеше Арсен Аветисянның төрағалығымен Степногорск қаласында құрылыс қоқыстарын жинау, шығару, қайта өңдеу және кәдеге жарату (жою) мәселелерін талқылау бойынша үшінші отырыс өтті. Отырыс жұмысына "Nur Otan" партиясы Ақмола облыстық филиалының жанындағы экология мәселелері жөніндегі қоғамдық кеңес төрайымы Мәриям Серікқызы Әбішева қатысты. Депутаттар өткен отырыстарда айтылған ұсыныстар мен жасалған келісімдер атқарылмағанын атап айтты.