Жұмыс отырысы
Бүгін аудандық мәслихаттың төрағасы Г. Сәдуақасованың төрағалығымен «Әлеуметтік көмек көрсету қағидаларын бекіту, оның мөлшерін және Шортанды ауданының мұқтаж азаматтарының жекелеген санаттарының тізбесін айқындау туралы» Қағидаларға өзгерістер енгізу мәселелеріне арналған жұмыс кеңесі өтті.
Кеңес барысында әлеуметтік көмек көрсету тәртібін нақтылауға, оның атаулылығы мен тиімділігін арттыруға, сондай-ақ халықтың әлеуметтік қорғалуын қамтамасыз етуге бағытталған ұсынылған өзгерістер қарастырылды. Қолданыстағы ережелердің Қазақстан Республикасы заңнамасының нормаларына және аудандағы ағымдағы әлеуметтік-экономикалық жағдайға сәйкестігі мәселелеріне ерекше назар аударылды.
Кеңеске қатысушылар әлеуметтік қолдау шараларын жетілдіру тетіктерін, тұрғындардың көмек алу кезінде кездесетін өзекті мәселелерін және оларды шешу жолдарын талқылады. Кездесу қорытындысы бойынша келіп түскен ұсыныстарды ескере отырып, нормативтік құжатты пысықтау бойынша одан әрі қадамдар белгіленді. Осыдан кейін бұл мәселе аудандық мәслихаттың сессиясына шығарылады.
Аудандық мәслихаттың баспасөз орталығы