ШИЕЛІ АУДАНДЫҚ МӘСЛИХАТЫНЫҢ КЕЗЕКТЕН ТЫС 41 СЕССИЯСЫ ӨТТІ

Ағымдағы жылдың 18 ақпан күні аудандық мәслихаттың кезектен тыс 41 сессиясы өтті. Сессия жұмысына аудандық мәслихат төрағасы М.Тұрабаев төрағалық етті.

Сессияға аудан әкімі А.Жандарбеков, аудан әкімінің орынбасарлары, кент әкімі, тиісті бөлім басшылары мен БАҚ өкілдері қатысты. Күн тәртібінде ауданның әлеуметтік-экономикалық дамуы мен сайлау жүйесіне қатысты маңызды мәселелер қаралды.

Күн тәртібіндегі мәселелер:

1. «АМАNАТ» партиясы атынан сайланған Шиелі аудандық мәслихат депутаты Сыздық Болат Мүбәрәкұлының депутаттық өкілеттігін тоқтату туралы.

Аудандық сайлау комиссиясының төрағасы М.Дулатов хабарлама жасап, «АМАNАТ» партиясынан сайланған депутат Сыздық Болат Мүбәрәкұлының жеке өтініші негізінде оның депутаттық өкілеттігін мерзімінен бұрын тоқтату туралы ұсыныс білдірді.

2. «2026-2028 жылдарға арналған аудандық бюджетті бекіту туралы» аудандық мәслихаттың 2025 жылғы 19 желтоқсандағы №38/2 шешіміне өзгерістер енгізу туралы

Шиелі ауданының экономика және қаржы бөлімінің басшысы М.Жұмаділ «2026-2028 жылдарға арналған аудандық бюджетті бекіту туралы» мәслихат шешіміне енгізілген өзгерістер туралы баяндады. Бұл бағытта бюджет қаржысын тиімді бөлу мәселелері талқыланды.

3. «Шиелі аудандық мәслихатының депутаттарын сайлау жөніндегі округтік сайлау комиссияларын қалыптастыру туралы» Шиелі аудандық мәслихатының 2023 жылғы 16 қаңтардағы №35/5 шешімінің қосымшасына өзгерістер енгізу туралы.
4. «Шиелі ауданындағы учаскелік сайлау комиссияларын құрамын сайлау қорытындылары жайлы» Шиелі аудандық мәслихатының 2023 жылғы
   28 желтоқсандағы №12/3 шешімінің қосымшасына өзгерістер енгізу туралы

Мәслихат төрағасы М.Тұрабаев округтік және учаскелік сайлау комиссияларының құрамына өзгерістер енгізу туралы мәселелерді ұсынып, сайлау заңнамасына сәйкес тиісті шешімдер қабылданды.

Күн тәртібіндегі мәселелер бойынша аудандық мәслихат депутаттары белсенді пікір алмасып, өз ұсыныстарын білдірді. Қаралған барлық мәселелер бойынша тиісті шешімдер қабылданды.