АУДАНДЫҚ МӘСЛИХАТТЫҢ БІРЛЕСКЕН ТҰРАҚТЫ КОМИССИЯСЫНЫҢ ОТЫРЫСЫ ӨТТІ

2025 жылғы 3 наурызда Сауран аудандық мәслихатының төрағасы С.Байсбаевтың төрағалығымен бірлескен тұрақты комиссиялардың отырысы өтті. Комиссия отырысына аудандық мәслихаттың депутаттары, аудан әкімінің орынбасары С.Садибаев, дербес бөлім басшылары, ауылдық округ әкімдері қатысты. Күн тәртібіне сәйкес төмендегі мәселелер қаралды:

1) Сауран ауданының ауылдық елді мекендеріне жұмыс істеуге және тұруға келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, ауылдар, кенттер, ауылдық округтер әкімдері аппараттарының мемлекеттік қызметшілеріне 2025 жылы көтерме жәрдемақы және тұрғын үй сатып алу немесе салу үшін бюджеттік кредит беру туралы;

2) Сауран аудандық мәслихатының 2024 жылғы 20 желтоқсандағы №196 «2025-2027 жылдарға арналған аудан бюджеті туралы» шешіміне өзгерістер енгізу туралы.   

Күн тәртібіндегі мәселелер бойынша аудандық экономика және қаржы бөлімінің басшысы И.Мырзахметовтың баяндамасы тыңдалып, депутаттар тарапынан тиісті ұсыныстар берілді.

 

Сауран аудандық мәслихатының аппараты