АУДАНДЫҚ МӘСЛИХАТТА Сауран аудандық мәслихатының депутаттары мен аудан халқының назарына!

Сауран аудандық мәслихаты төрағасының

2025 жылғы 15 желтоқсандағы №16

ШЕШІМІ

 

 

 

   Сегізінші шақырылымдағы

   Сауран аудандық мәслихатының

   кезекті қырықыншы сессиясын

   шақыру туралы

 

         Қазақстан Республикасының 2001 жылғы 23 қаңтардағы №148 «Қазақстан Республикасындағы жергілікті мемлекеттік басқару және өзін-өзі басқару туралы» Заңының 10, 19-баптарына сәйкес, 2025 жылғы 24 желтоқсанда сағат 11:00-де Шорнақ ауылында сегізінші шақырылымдағы Сауран аудандық мәслихатының кезекті қырықыншы сессиясы шақырылсын.

                                                                              

Сауран аудандық

мәслихатының төрағасы                                                  С.Байсбаев

 

 

 

АУДАНДЫҚ МӘСЛИХАТТА

Сауран аудандық мәслихатының депутаттары мен

аудан халқының назарына!

 

Қазақстан Республикасының 2001 жылғы 23 қаңтардағы №148 «Қазақстан Республикасындағы жергілікті мемлекеттік басқару және өзін-өзі басқару туралы» Заңының 10, 19-баптарына сәйкес, Сіздердің назарларыңызға сегізінші шақырылымдағы Сауран аудандық мәслихатының кезекті қырықыншы сессиясы 2025 жылғы 24 желтоқсанда сағат 11:00-де аудан әкімдігінің ғимаратында өтетіндігін жеткіземін, мекен-жайы: Сауран ауданы, Шорнақ ауылы, М.Темірбаев көшесі №30, Сауран ауданы әкімдігінің ғимараты (3-қабаттағы мәжіліс залы).

Депутаттар  мен  шақырылғандарды  тіркеу 2025 жылғы 24 желтоқсан сағат 10:00-ден бастап зал фойесінде жүргізіледі. Сессия қарауына енгізілетін мәселелер:

1. Сауран ауданы әкімдігінің тұрғын үй коммуналдық шаруашылығы және тұрғын үй инспекциясы бөлімі басшысының жұмыстарының есебі туралы;
2. Сауран ауданы әкімдігінің жұмыспен қамту және әлеуметтік бағдарламалар бөлімінің «Әлеуметтік қызметтер көрсету орталығы» КММ басшысының жұмыстарының есебі туралы;
3. Сауран ауданы әкімдігінің жолаушылар көлігі және автомобиль жолдары бөлімінің «Сауран жол қызметі» КММ басшысының жұмыстарының есебі туралы;
4. 2026-2028 жылдарға арналған  аудан бюджеті туралы;
5. 2026-2028 жылдарға арналған ауылдық округтердің бюджеттері туралы;
6. Сауран ауданының 2026-2030 жылдарға арналған даму жоспары туралы;
7. Сауран аудандық мәслихатының 2024 жылғы 20 желтоқсандағы №196 «2025-2027 жылдарға арналған аудан бюджеті туралы» шешіміне өзгерістер енгізу туралы;
8. Сауран ауданы әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның дербес құрамын бекіту туралы;
9. Сауран аудандық мәслихаты төрағасының аудандық мәслихат қызметін ұйымдастыру, депутаттардың сауалдары мен сайлаушылардың жолданымдары бойынша қабылданған шаралар және аудандық мәслихат аппаратының қызметі туралы есебі;
10. Сауран аудандық мәслихатының тұрақты комиссияларының 2025 жылы атқарған қызметтері жөніндегі есептері туралы;
11. Сауран аудандық мәслихатының тұрақты комиссияларының 2026 жылға арналған жұмыс жоспарлары туралы;
12. Сауран аудандық мәслихатының 2026 жылға арналған жұмыс жоспары туралы.

Сессия қарауына келіп түсуіне қарай өзге де мәселелер енгізілуі мүмкін. Сегізінші шақырылымдағы Сауран аудандық мәслихатының кезекті қырықыншы сессиясының онлайн-трансляциясы «Facebook» әлеуметтік желісінде жүргізілетін болады.

 

 

Сауран аудандық

мәслихатының төрағасы                                                  С.Байсбаев