Қалалық мәслихат депутаттары Сәтбаев қаласының мамандандырылған өрт сөндіру бөліміне жұмыс сапарымен барды

 Жаңа өрт сөндіру бөлімі ағымдағы жылдың сәуір айында пайдалануға берілген. Жұмыс сапары барысында депутаттар бөлімшенің материалдық-техникалық базасымен, өрт сөндірушілердің қызметтік жағдайымен және техникалардың дайындығымен танысты. Заманауи талаптарға сай жабдықталған бөлімшеде жұмыс және оқу бөлмелері, диспетчерлік пункт, өрт сөндіру техникаларына арналған бокстар, газ-түтіннен қорғау қызметінің бекеті, сондай-ақ жеке құрамды даярлауға арналған арнайы оқу-жаттығу аймақтары қарастырылған. Депутаттар жаңа бөлімшенің жұмысы төтенше жағдайларға жедел ден қоюға, құтқару қызметінің тиімділігін арттыруға және шұғыл көмек көрсету сапасын жақсартуға мүмкіндік беретінін атап өтті.