Жылу беру маусымына дайындық барысына бақылау жалғасуда

Қалалық мәслихат депутаттары өздерінің сайлау округтері бойынша білім беру нысандарының 2025–2026 жылдардағы жылыту маусымына дайындық барысын бақылауда.

Аралау барысында нысандардағы жөндеу жұмыстарының сапасы, жылу жүйелерінің жай-күйі, қауіпсіздік талаптарының сақталуы және тиісті техникалық құжаттамалардың жүргізілуі назарға алынды. Депутаттар дайындық деңгейін бағалап, анықталған кемшіліктер бойынша тиісті ұсыныстар мен ескертпелер берді.