Қоғам қайраткерінің мерейтойына арналған шара

Өткен аптада Жаңарық ауылдық округінде Ұлы Отан соғысының және еңбек ардагері, қоғам қайраткері, облысымызда партия және атқарушы органдарда жетекші қызметтерді атқарып, бірқатар аудандардың әлеуметтік дамуына зор үлесін қосқан жерлесіміз Ұзақбай Сыздықбаевтың туылғанына 100 жыл мерейтойына арналған ауқымды іс шара өтті.

Шараға Сарысу ауданы әкімінің міндетін атқарушы Жаңғозы Жаркенов, Сарысу аудандық мәслихатының төрағасы Шаттық Мұсабеков, №10 сайлау округінің депутаты Оңласын Мұқашов, меймандар, бірқатар мекемелер, ауылдың тұрғындары қатысты.

Іс шара барысында жаңа арканың, Ұзақбай Сыздықбаев атындағы саябақтың ашылуы, футболдан аудандық турнир өтті. Шараның соңы аудан өнерпаздарының концерттік бағдарламасымен жалғасып, ас берілді.