Ақмола облысының Сандықтау ауданына Маңғыстау облыстық мәслихатының делегациясы келді.

Делегацияны Ақмола облыстық мәслихатының төрағасы Бейбіт Жүсіпов, аудандық мәслихаттың төрайымы Гүлнара Мұстафина, аудан әкімі Серік Құдабай және «AMANAT» партиясының аудандық филиалының төрайымы Майя Аркенова бастап жүрді.

Сапар барысында қонақтар Максимовка ауылындағы жергілікті нысандар мен әлеуметтік маңызы бар мекемелердің жұмысымен танысты. Делегация Машдвор, сауда-қызмет көрсету кешенін, жаңа тұрғын ауданын, «Арена» хоккей кортын, моншаны, жатақхананы және Жеңіс саябағын аралап көрді.

Бұл сапар ауыл инфрақұрылымын дамытудың перспективаларын талқылау және тәжірибе алмасу алаңына айналды.