Құрметті рудныйлықтар!

Мемлекеттік рәміздер – Ту, Елтаңба және Әнұран – тәуелсіздігіміздің, егемендігіміздің және ұлттық бірлігіміздің басты нышандары. Олар халқымыздың тарихын, мәдениетін, жетістіктері мен құндылықтарын бейнелеп, ұрпақтар сабақтастығы мен Отанға деген сүйіспеншіліктің символы болып табылады.

Бұл мереке еліміздің барлық азаматтарын бейбітшілік, келісім, жасампаз еңбек және ел болашағына деген жауапкершілік сияқты ортақ құндылықтар төңірегіне топтастырады. Мемлекеттік рәміздерді құрметтеу – патриотизмнің, азаматтық жауапкершіліктің және туған жерге адалдықтың көрінісі.

Рудный қаласының тұрғындары қаламыз бен мемлекетіміздің дамуына лайықты үлес қосып, еңбек, білім, мәдениет, спорт және қоғамдық қызмет салаларында табыстарға қол жеткізіп келеді. Бұл жетістіктер – бірліктің, мақсаткерліктің және туған өлкеге деген шынайы сүйіспеншіліктің нәтижесі.

Осы мерекелі күні баршаңызға зор денсаулық, амандық, бейбітшілік пен бақ-береке тілейміз. Қазақстан Республикасының Мемлекеттік рәміздері әрдайым еліміздің және туған қаламыздың өркендеуі жолындағы жаңа жетістіктерге жетелеуші күш болсын!

Мерекелеріңіз құтты болсын!

Қазақстан Республикасының Мемлекеттік рәміздер күні құтты болсын!