2025 жылғы 29 шілдеде қалалық мәслихаттың кезектен тыс сессиясының отырысы өтті

2025 жылғы 29 шілдеде Рудный қалалық мәслихатының сегізінші шақырылымының кезектен тыс сессиясы өтті. Сессия жұмысына Қашар және Горняцк кенттерінің әкімдері, Рудный қаласы әкімінің орынбасары, сондай-ақ мемлекеттік мекемелердің басшылары қатысты.

Күн тәртібінде екі мәселе қаралды:

- мұқтаж азаматтардың жекелеген санаттарына әлеуметтік көмек көрсету жөніндегі учаскелік комиссияның жеке құрамына өзгеріс енгізу туралы;

- мәслихаттың 2024 жылғы 30 желтоқсандағы №188 «Рудный қаласының 2025–2027 жылдарға арналған қалалық бюджеті туралы» шешіміне өзгерістер енгізу туралы.

Бірінші мәселе бойынша: өзгерістер кадрлық ауыс-түйістерге байланысты енгізілуде.

Екінші мәселе бойынша, қала әкімінің орынбасары Талғат Сақтағанов Рудный қаласының бюджетіне енгізіліп жатқан нақтылаулар бюджеттің бірінші жартыжылдығындағы орындалуының қорытындысы бойынша бюджеттік шығыстардың функционалдық сыныптамасы бойынша қаражатты қайта бөлумен байланысты екенін атап өтті. Бөлуге негіз болатын резервтер – мемлекеттік сатып алулар нәтижесінде қалыптасқан үнемдеу сомалары мен жергілікті атқарушы орган резервінің қаражаты.

Рудный қаласының бюджеттік комиссиясы жергілікті атқарушы органның резервін 97,5 млн теңгеге қысқарту туралы шешім қабылдады. Сонымен қатар, мемлекеттік сатып алулар нәтижесінде бірқатар бюджеттік бағдарламалар бойынша жалпы сомасы 106,4 млн теңге үнемдеу қалыптасты. Осылайша, бөлінетін сома 204 млн теңгені құрайды. Бұл резервтерді мынадай бағыттарға бөлу жоспарланып отыр: инватакси қызметтері, «Қалалық мәдениет және демалыс саябағы» МКК-ны субсидиялау, мәдени-демалыс шараларын қолдау, бұқаралық спорт пен ұлттық спорт түрлерін дамыту, спорт мекемелерінің негізгі шығындары және тағы басқалар.

Кезектен тыс сессияда қаралған мәселелерді депутаттар бірауыздан қабылдады.