Қазақстан Республикасының Конституциясына 30 жыл!

Қонаев қаласының мәслихаты сіздерді Қазақстан Республикасының Конституциясы күнімен және Ата Заңымыздың 30 жылдық мерейтойымен шын жүректен құттықтайды!

1995 жылғы 30 тамызда бүкілхалықтық референдумда қабылданған Конституция – еліміздің тәуелсіздігін, тұтастығын, демократиялық және құқықтық мемлекет ретіндегі іргетасын бекемдеген тарихи құжат. Ол – біздің бірлігіміздің, еркіндігіміздің және тұрақты дамуымыздың кепілі.

Осы жылдар ішінде Конституция ел өмірінің барлық салаларын дамытуға негіз болды. Ата Заңымыз әр азаматтың құқықтары мен бостандықтарын қорғап, бейбітшілік пен келісімнің, қоғамдық тұрақтылықтың берік тұғырына айналды.

Осы мереке күні Сіздерге бақыт, бейбітшілік, береке және тәуелсіз Қазақстанымыздың гүлденуіне арнаған еңбектеріңізде жаңа жетістіктер мен толағай табыс тілейміз! Әр жанұяда игілік пен ертеңгі күнге деген нық сенім паналап, елімізді өркендету жолындағы ынталарымыз үлкен жеңістерге әкелсін!

Мерекемен құттықтаймыз!