Павлодар қалалық мәслихатының XLI кезектен тыс сессиясы болып өтті

Павлодар қалалық мәслихатының XLI кезектен тыс сессиясы болып өтті.

⠀Мәжіліс отырысы барысында депутаттар әлеуметтік қолдау көрсету ережелерін жаңартуды, соның ішінде оны тағайындау тәртібін, төлем мөлшерін және көмекке құқылы азаматтар санатын нақтылауды талқылады.

⠀Ұсынылған түзетулер жүйені оңтайландыруға бағытталған: мемлекеттік қолдаудың қолданыстағы шараларымен қайталанатындықтан, біржолғы төлемдердің бір бөлігін алып тастау ұсынылады.

⠀Сонымен қатар, депутаттар тұрғын үй жәрдемін беру тәртібіндегі өзгерістерге айрықша тоқталды.

⠀Сондай-ақ, жаңа редакцияда алушының барлық коммуналдық қызметтерге жұмсаған жиынтық шығындарын ескере отырып, төлемдерді есептеу көзделген.

⠀Бұл ретте электр энергиясы, сумен жабдықтау, су бұру, жылыту және басқа да қызметтерге арналған шығындардың бірыңғай нормативтері белгіленеді, бұл есептеу жүйесін түсінікті әрі ашық етуге тиіс.

⠀Барлық мәселелер бойынша тиісті шешімдер қабылданды.

⠀