Депутаттар және қоғамдық кеңес мүшелері «Крендель» ЖШС қызметкерлерімен кездесу өткізді

Павлодар қалалық мәслихатының төрағасы Кожин Қобланбек Нұрмұханұлы және қала депутаттары Мадина Мұзапарова, Нұр-Сәуле Байбулатовамен бірге қоғамдық кеңес мүшелері Махаббат Анаева, Бахытжан Тезекбаева «Крендель» жауапкершілігі шектеулі серіктестігінің қызметкерлерімен кездесу өткізді.

⠀Сондай-ақ, кездесу барысында олар жаңа редакциядағы Конституция жобасының негізгі ережелерін түсіндіріп, қатысушылардың барлық сұрақтарына жауап берді.

⠀Депутаттар құжатта бірқатар түбегейлі өзгерістер қарастырылғанын баса айтты.

⠀Жаңартылған Кіріспеде адам құқықтары мен бостандықтары алғаш рет мемлекеттің басты басымдығы болып жарияланды. Конституциялық деңгейде әділеттілік, құқық тәртібі, табиғатты құрметтеу сияқты құндылықтар да бекітілген.

⠀Сонымен қатар, Конституцияның жобасында Қазақстан халқы мемлекеттік биліктің жалғыз қайнар көзі және егемендіктің иесі екені ерекше атап көрсетілген.