Мемлекеттік кірістер басқармасы өкілдерімен кездесуі

Павлодар қалалық мәслихатында депутаттардың қатысуымен мемлекеттік кірістер басқармасы өкілдерімен кездесуі өтті. Кездесуде салық заңнамасындағы маңызды өзгерістер талқыланды.

⠀Бұған дейін мәслихат бөлшек салық мөлшерлемесін төмендету құқығын пайдаланып, бұл жеңілдікті мерзімсіз етіп бекіткен болатын. Бұл кәсіпкерлерге салықтық жүктемені азайтып, қолайлы жағдайда жұмыс істеуге мүмкіндік берді.Алайда, 2026 жылғы 1 қаңтардан бастап Қазақстанда жаңа Салық кодексі күшіне енеді.

⠀Онда “бөлшек салық” арнайы режимі толығымен алынып тасталады. Онымен бірге мәслихаттар бұрын қабылдаған жеңілдіктердің де құқықтық негізі жойылады.

⠀Қалалық мәслихат депутаттары жыл соңына дейін жергілікті атқарушы органдардың ұсыныстары бойынша салық мөлшерлемесінің көтерілуі не төмендеуі жөнінде шешім қабылдайды. Депутаттардың мөлшерлемені 50%-дан артық емес көлемде өзгертуге құқығы бар.

⠀Мұндай шешім келесі жылдың 1 қаңтарынан бастап күшіне енуі үшін, ол шешім алдыңғы жылдың 1- ші желтоқсанынан кешіктірілмей қабылдануы тиіс.