Жастарды есірткінің әсерінен қорғау шаралары туралы

Облыстық қоғамдық кеңестің отырысында жастарды есірткінің ықпалынан қорғау және есірткі қылмысына қарсы іс-қимыл саласындағы проблемалар бойынша қабылданып жатқан шаралар туралы мәселе қаралды.

Кеңес жұмысына полиция департаменті басшысының орынбасары, облыстың денсаулық сақтау, білім беру, ақпарат және қоғамдық даму басқармаларының басшылары, Павлодар, Ақсу және Екібастұз қалалары әкімдерінің орынбасарлары, қоғам қайраткерлері қатысты.

Қоғамдық кеңес мүшелері Туғанбай Асылбек, Наурызбаева Гүлбарам, Регатунова Марина, Николашин Олег нашақорлықтың алдын алу және есірткі қылмысының алдын алу бойынша өздерінің нақты ұсыныстарын енгізді.

Қаралған мәселенің қорытындысы бойынша полиция департаментіне, облыстың білім, денсаулық сақтау, ақпарат және қоғамдық даму басқармаларына, Павлодар қаласының әкімдігіне ұсынымдар берілді.