Павлодар облыстық мәслихатының төрағасы Илья Теренченко Астанада өткен Конституциялық реформа жөніндегі комиссияның алғашқы отырысына қатысты

Іс-шара Парламент депутаттарының, мәслихат төрағаларының, қоғам қайраткерлерінің, орталық мемлекеттік органдардың жауапты лауазымды тұлғаларының, БАҚ өкілдерінің, өңірлердің қоғамдық кеңестерінің, сараптамалық және ғылыми қоғамдастықтардың қатысуымен кеңейтілген форматта өтті.

Комиссия Мемлекет басшысы Қасым-Жомарт Тоқаевтың Жарлығын орындау үшін жұмыс жасайды.
Комиссия жұмысына Конституциялық сот төрағасы Эльвира Азимова жетекшілік етеді. Комиссия төрағасының орынбасарлары: Мемлекеттік кеңесші Ерлан Карин және Премьер-Министрдің орынбасары – Мәдениет және ақпарат министрі Аида Балаева.

Бірінші отырыста қатысушылар ҚР Конституциясына өзгерістер енгізу бойынша негізгі ұсыныстарды толықтай қарастырды.

@Pavlodarnews.kz.