Экономикалық тергеп-тексеру департаменті мен Павлодар облыстық мәслихатының депутаттық корпусы арасындағы өзара ынтымақтастық туралы мемарандумға қол қою

Павлодар облысының экономикалық тергеп тексеру департаменті мен Павлодар облыстық мәслихатының ұйымдастыруымен қаламызда қоғамдық-саяси мәні бар шара өтті.

Аталмыш шара Президентіміз Қасым-Жомарт Кемелұлы Тоқаевтың “Заң мен тәртіп” платформасы негізінде жүзеге асып, осы концепцияның принциптеріне бағытталды.

Президентіміз заң мен тәртіп мемлекет пен қоғамның ең басты қағидатына айналуы керектігін айқындап берді. Президенттің бұл тапсырмасын бұлжытпай іске асыру – барлық мемлекеттік органның, ең алдымен, құқық қорғау құрылымдарының міндеті. Полиция кез-келген, тіпті кішігірім құқық бұзушылықтарға бірден ден қоюы тиіс. Бұл – құқықтық тәртіпті қамтамасыз етудің бірден-бір жолы екенін өз кезегінде премьер министр де атап өткен болатын.

Сондықтан бүгінгі шара аталған қағидаттар мен тапсырмаларды түсіндіріп, орындауға бағытталды.

Кездесу барысында Павлодар облысының экономикалық тергеп тексеру департаменті мен Павлодар облыстық мәслихаты арасындағы әріптестік байланысты дамыту мақсатымен және ел игілігіне бірігіп жұмыс жасау бойынша меморандумға қол қойылды.