АҚҚУЛЫ ауданына жұмыс сапары

Облыстық мәслихаттың құрылыс, өнеркәсіп және тұрғын үй-коммуналдық шаруашылық мәселелері жөніндегі тұрақты комиссиясының мүшелері Виталий Соломкин, Сәбиден Мантыков және облыстық мәслихат депутаты Нағимаш Жүсіпова Аққулы ауданында жұмыс сапарымен болды.

Сапар аясында депутаттар аудандағы құрылыс және жөндеу жұмыстарының барысын бағалау мақсатында мониторинг жүргізді. Сапар барысында комиссия Тілектес ауылындағы мектеп, Қарақала ауылындағы дене шынықтыру-сауықтыру кешені құрылысының барысымен, Аққулы ауылындағы су құбырын қайта жаңарту жұмыстарымен, «Ауыл-ел бесігі» жобасы аясында Шарбақты ауылындағы аудандық аурухана мен мектепті күрделі жөндеу жұмыстарымен танысты, онда мердігер ұйымдардың өкілдерімен кездесулер өткізді. Сапар қорытындысы бойынша барлық объектілер толық аяқталуына және пайдалануға енгізілуіне дейін депутаттық бақылауға қойылды